Nanindigan ang Philippine National Police na mananatili itong propesyonal at nonpartisan sa kabila ng alegasyon ni Senator Imee Marcos na gumagamit umano ng iligal na droga si Pangulong Ferdinand Marcos Jr. Ayon kay PNP Public Information Office Chief BGen. Randulf Tuaño, hindi makikilahok ang PNP sa anumang isyung pampulitika at mananatiling tapat sa Konstitusyon at sa kanilang chain of command.