Tumagal lamang ng mahigit 30 minutes ang deliberasyon ng House Committee on Appropriations sa 2026 proposed budget ng tanggapan ni Pangulong Ferdinand Marcos Jr.

Ito ay matapos bumoto ng pabor ang 56 na House panel members sa mosyon ni House Minority Leader at 4Ps Party-list Rep. Marcelino Libanan na i-terminate na agad ang pagdinig bilang bahagi ng tradisyon ng inter-parliamentary courtesy.