Isang araw matapos manawagan sa mga kapwa kongresista si House Speaker Faustino “Bojie” Dy III, nadagdagan pa ang mga panukalang inihain kontra political dynasty.

Kahapon, inihain ng Akbayan Reform Bloc ang House Bill No. 5905 na layong ipagbawal ang pagtakbo sa anumang posisyon mula lokal hanggang pambansang pamahalaan ng mga magkakamag-anak hanggang fourth degree ng consanguinity o affinity.