Isinusulong ng National Commission of Senior Citizens, katuwang ang Department of Information and Communications Technology, ang digitalization ng pagbibigay ng benepisyo sa mga nakatatanda.

Layon nitong matiyak na nakasasabay at hindi napag-iiwanan ang mga senior citizen sa digital era.

Kaugnay nito, nanawagan ang ilang nakatatanda na tiyaking tunay na para sa kanilang kapakanan ang layunin ng online access at wala itong kaakibat na ibang agenda.